Кембриж университети профессори Саксенанинг Бош прокуратура Академиясига ташрифи

Жорий йилнинг 3-4 октябр кунлари Кембриж университети профессори Сиддхарт Саксена (Siddharth Saxena) Бош прокуратура Академиясига ташриф буюрди.

Ташриф давомида Бош прокуратура Академияси раҳбарияти билан учрашув ташкил этилиб, унда таълим ва илмий соҳаларда ҳамкорлик истиқболлари муҳокама қилинди.

Шунингдек, профессор Сиддхарт Саксена Академия магистрантлари учун «Кембриж университетида тадқиқотларни қўллаб-қувватлаш ва рағбатлантириш» мавзусида маъруза қилди.

Маъруза давомида Кембриж университетида академик мобиллик, илмий ахборот ва ҳуқуқий маълумотлар базаларини таҳлил қилиш, фан ва амалиёт интеграцияси, методология ва тадқиқот ишларини ташкил этиш масалалари ёритилди.

Академияга ташриф доирасида Академия магистрлари ва докторантлари учун профессорнинг “Илмий тадқиқотлар асослари” мавзусидаги видеоролиги тайёрланди.