Филипп Жессоп номидаги халқаро ҳуқуқ бўйича танловнинг миллий координаторининг ташрифи

Жорий йилнинг 8-10 октябрь кунлари Филипп Жессоп номидаги халқаро оммавий ҳуқуқи бўйича халқаро танловнинг миллий координатори С.Юсупов Бош прокуратура Академиясига ташриф буюрди.

Маълумот учун: Ф.Жессоп номидаги танлов 700 га яқин ҳуқуқ мактаблари билан боғлиқ дунёдаги энг йирик мусобақадир. Танлов - ўйлаб топилган низони БМТ Халқаро Судида мамлакатлар ўртасида симуляция қилишни ўзида акс эттиради. Ҳуқуқшунос талаба жамоалари гипотетик ҳуқуқий низо нуқтаи назаридан халқаро ҳуқуқнинг долзарб масалаларини ҳал қилиш учун инглиз тилида оғзаки ва ёзма аризаларни тақдим этиш орқали бир-бири билан рақобатлашадилар.

Ташриф давомида Академия раҳбарияти билан учрашув ташкил этилиб, унда Академия жамоасининг халқаро мусобақада иштирок этиши, шунингдек, танловни ташкил этиш ва ўтказишда техник ёрдам кўрсатиш масалалари муҳокама қилинди.

Шунингдек, танлов Миллий координаторининг Академия магистрлари билан танловда иштирок этиш тарихи ва шартлари, шунингдек, талабалар учун халқаро ҳуқуқ соҳасида ноёб тажриба ва билим олиш имкониятлари билан танишиш мақсадида учрашув ташкил этилди.

Ташриф якунлари бўйича томонлар жамоаларни юқори даражада тайёрлаш ва танловни ташкил этиш мақсадида ҳамкорлик қилиш тўғрисида келишиб олдилар.