Норвегия ва Данияга танишув сафари

Жорий йилнинг 23-28 сентябр кунлари Академия бошлиғининг биринчи ўринбосари Р.Гафуров Коррупцияга қарши курашиш бўйича республика идоралараро комиссияси аъзолари, Бош прокуратура, Адлия вазирлиги, Молия вазирлиги ва Бизнес-омбудсман аппарати ходимларидан иборат делегация таркибида БМТТДнинг тинч ва инклюзив жамиятлар учун коррупцияга қарши курашиш бўйича глобал лойиҳаси (АCПИС) доирасида БМТТДнинг “Ўзбекистонда самарали, ҳисобдор ва шаффоф бошқарув институтлари орқали коррупцияга қарши курашиш” лойиҳаси кўмагида ташкил этилган Дания ва Норвегияга танишув сафарида иштирок этди.

Ташриф доирасида делегация Норвегия ва Даниянинг коррупцияга қарши курашиш бўйича ваколатли органлари фаолияти, уларнинг сиёсати ва асосий вазифалари, ушбу соҳадаги идоралараро ҳамкорлик механизмлари, аҳолининг ҳуқуқий онги ва ҳуқуқий маданиятини оширишга қаратилган дастурлар билан танишди.

Коррупцияга қарши курашиш соҳасида олинган тажриба Transparency International ташкилоти томонидан тузиладиган “Коррупцияни қабул қилиш индекси” халқаро рейтингида Ўзбекистон Республикасининг позициясини оширишга, шунингдек, Академиянинг коррупцияга қарши курашиш илмий-таълим маркази салоҳиятини мустаҳкамлашга қаратилади.

Ташриф якунлари бўйича иштирокчилар томонидан Норвегия ва Даниянинг илғор тажрибасини имплементация қилиш бўйича таклиф ва тавсиялар тайёрланди.