Академиянинг 2019 йилдаги фаолияти якуни муҳокамаси

2020 йил 17 январь куни Ўзбекистон Республикаси Бош прокуратураси Академияси Кенгашининг навбатдаги мажлиси бўлиб ўтди.

Мажлисда Академиянинг 2019 йилдаги прокуратура органлари кадрларини тайёрлаш, қайта тайёрлаш ва уларнинг малакасини оширишнинг замонавий тизимини яратиш, фаолиятни илмий-методик ва психологик жиҳатдан таъминлаш ҳамда бошқа йўналишлардаги фаолияти танқидий таҳлил қилинди ва истиқболдаги вазифалар белгилаб олинди.

Кенгаш йиғилишида Академия профессор-ўқитувчиларининг фаолиятини баҳолаш натижалари муҳим самарадорлик кўрсаткичларига (KPI) эришиш таҳлили асосида муҳокама қилинди.

Шунингдек, 12.00.12 – Коррупция муаммолари (юридик фанлар бўйича) ихтисослиги бўйича малакавий имтиҳон дастури тасдиқланди ва Академия профессор-ўқитувчилари томонидан тайёрланган ўқув-услубий қўлланмаларни нашрга тавсия этиш  масаласи кўриб чиқилди.