Жиноий фаолиятдан олинган даромадларни легаллаштиришга ва терроризмни молиялаштиришга қарши курашиш миллий тизимини ўзаро баҳолашни ўтказишга тайёргарлик кўриш бўйича тадбирлар

2020 йилда Жиноий фаолиятдан олинган даромадларни легаллаштиришга ва терроризмни молиялаштиришга қарши курашиш Евроосиё гуруҳи томонидан Ўзбекистон Республикасининг жиноий фаолиятдан олинган даромадларни легаллаштиришга ва терроризмни молиялаштиришга қарши курашиш миллий тизимини ўзаро баҳолашни ўтказиш режалаштирилган.

Баҳолаш давомида жиноий фаолиятдан олинган даромадларни легаллаштиришга ва терроризмни молиялаштиришга қарши курашиш соҳасида кадрларни тайёрлаш ва малакасини ошириш масалаларига эътибор қаратилади.

Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаментини фаол кўмагида хорижий экспертларни жалб қилган ҳолда Академия томонидан Ўзбекистон Республикасини ўзаро баҳолаш доирасида техник мувофиқликни баҳолаш ўтказишнинг ўзига хос хусусиятларига бағишланган давра суҳбатлари ўтказилди.

Тадбирларда мавзуга алоқадор 10 дан ортиқ вазирлик ва идораларнинг вакиллари – Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича идоралараро комиссия эксперт гуруҳи аъзолари иштирок этди.

Тадбирлар давомида баҳолаш ўтказишнинг ўзига хос хусусиятлари, тақдим этилаётган маълумотларнинг тўлиқлиги ва тузилиши ҳамда иштирокчиларни қизиқтирган бошқа масалалар кўриб чиқилди.

Мазкур йўналишдаги тадбирларни келгусида ҳам ўтказиш режалаштирилди.