Сибирь бошқарув институти вакилининг ташрифи

Россия Федерацияси Президенти ҳузуридаги Россия халқ хўжалиги ва давлат хизмати академияси филиали – Сибирь бошқарув институти билан ҳамкорлик доирасида 2019 йил 25 октябрь куни Институт декани, иқтисод фанлари номзоди, доцент Д.В.Куницын Бош прокуратура Академиясига ташриф буюрди.

Ташриф доирасида доцент Д.В.Куницын Академия магистратураси тингловчилари учун давлат бошқарувини рақамлаштириш ва солиқ соҳасида коррупцияга қарши курашиш тизимини ривожлантириш (Россия ФСХ мисолида) масалалари бўйича маъруза қилди.

Қизғин баҳс-мунозара шаклида ўтказилган мазкур тадбир томонлар ўртасидаги ҳамкорлик битимининг самарали амалга оширилишига хизмат қилади.