Қишлоқ хўжалиги соҳасидаги қонунчилик ижроси устидан прокурор назоратини ташкил этиш бўйича малака ошириш курси якунланди

Бош прокуратура Академиясида Қорақалпоғистон Республикаси, вилоятлар ва туман (шаҳар) прокуратуралари ходимлари учун “Қишлоқ хўжалиги соҳасидаги қонунчилик ижроси устидан назоратни самарали ташкил этиш” мавзусида ташкил этилган малака ошириш курси якунланди.

Мазкур курс таълимнинг аралаш шаклида ташкил этилган бўлиб, тингловчилар масофавий таълим жараёнида олган билимларини Академиядаги ўқув машғулотлари давомида мустаҳкамлаш имконига эга бўлдилар.

Ўқув курси доирасида тингловчиларнинг ер ва сув қонунчилиги, шунингдек қишлоқ хўжалигига оид бошқа норматив ҳужжатлар ижроси устидан прокурор назоратини самарали ташкил этиш ва мазкур соҳадаги кўникмаларини оширишга қаратилган машғулотлар ўтказилди.

Бундан ташқари, мева-сабзавотчилик маҳсулотларини етиштириш ҳамда чорвачилик соҳаларида қонунчилик ижроси устидан назоратни ташкил этиш борасида сайёр машғулотлар ўтказилди.

Мазкур курс тингловчиларнинг қишлоқ хўжалиги соҳасида қонунчилик ижроси устидан назоратни самарали ташкил этиш бўйича билим ва тажрибаларини, шунингдек соҳада назорат фаолиятини кучайтиришга қаратилган кўникмаларини мустаҳкамлашга хизмат қилди.