Бош прокуратура Академиясида байроғимиз қабул қилинган кун муносабати билан тадбир ўтказилди

2019 йил 18 ноябрь куни Бош прокуратура Академиясида байроғимизнинг 28 йиллигига бағишланган тадбир ўтказилди.

Тадбирда Бош прокуратура ходимлари, Академия профессор-ўқитувчилари ва магистратура тингловчилари иштирок этди.

Тадбирда тарих фанлари номзоди, Ўзбекистон Миллий университети кафедраси профессори вазифасини бажарувчи Н.Т.Полвонов томонидан Ўзбекистон Республикаси байроғини қабул қилиш тарихи ва унинг рамзий тимсолларининг мазмун-моҳияти тўғрисида батафсил маълумот берилиб, бу фақатгина давлатимиз рамзигина бўлиб қолмай, дунёдаги энг чиройли байроқлардан бири эканлиги алоҳида таъкидланди.

Шунингдек, тадбирда магистратура тингловчилари томонидан Ўзбекистон байроғини мадҳ этадиган шеърлар айтилиб, байроқнинг келиб чиқиш тарихи, дунё байроқлари, уларнинг ўзига хос жиҳатлари ва Ўзбекистон байроғининг рамзий тимсоллари ҳақида атрофлича тушунтириш бердилар.

Тадбир давомида иштирокчилар томонидан ушбу кун мамлакатимиз миқёсида нишонланадиган энг йирик тадбирлардан бири эканлиги, байроғимиз биз учун муқаддас ва ардоқли ҳисобланиши, у истиқлолимизнинг ёрқин ифодаси эканлиги алоҳида таъкидланди.