Академия таянч докторантурасига кириш имтиҳони ўтказилди

2020 йил 3 ноябрь куни Бош прокуратура Академиясида таянч докторантурада ўқишга талабгорлар учун чет (инглиз) тилидан онлайн режимда кириш имтиҳони бўлиб ўтди.

Имтиҳон Ўзбекистон Республикаси Вазирлар Маҳкамасининг 2017 йил 22 майдаги “Олий ўқув юртидан кейинги таълим тизимини янада такомиллаштириш чора-тадбирлари тўғрисида”ги 304-сон қарори билан тасдиқланган Олий ўқув юртидан кейинги таълим тўғрисидаги Низом талабларига тўлиқ амал қилинган ҳолда ўтказилди.

Кириш имтиҳони Ўзбекистон давлат жаҳон тиллари университети, Тошкент давлат юридик университети ҳамда Академия профессор-ўқитувчиларидан иборат комиссия томонидан ўтказилди.

Имтиҳон якунида комиссия аъзолари хорижий давлатларнинг юриспруденция соҳасидаги илғор тажрибасини чуқур ўрганиш, таҳлил қилиш ҳамда унинг натижаларини миллий қонунчиликни такомиллаштириш жараёни ва ҳуқуқни қўллаш амалиётига жорий этиш мақсадида хорижий тилларни ўрганишнинг долзарблигини алоҳида таъкидлаб ўтдилар.