Суд экспертизаси соҳасида ўзаро манфаатли ҳамкорликни ривожлантириш

Ўзбекистон Республикаси Бош прокуратураси Академияси ва Ўзбекистон Республикаси Адлия вазирлиги ҳузуридаги Ҳ.Сулаймонова номидаги Республика суд экспертизаси маркази ўртасида ҳамкорлик тўғрисида меморандум имзоланди.

Меморандум доирасида прокурорлар ва суд-экспертиза ташкилотлари ходимларини тайёрлаш ва малакасини ошириш тизимини янада такомиллаштириш, ўқув жараёнида ўзаро техник имкониятлардан самарали фойдаланиш, шунингдек, биргаликда илмий тадқиқотларни ташкил этиш ва ўтказишни таъминлаш бўйича ҳамкорликнинг асосий йўналишлари белгилаб олинди.

Меморандум юзасидан прокуратура ва экспертиза муассасаси ходимлари амалий қобилиятини оширишга қаратилган ҳамкорликда ўқув фильмлар тайёрлаш, назарий билимларини оширишга қаратилган ўқув, услубий қўлланмалар чоп эттириш ҳамда ушбу жараёнларни ўз вақтида бажарилишини таъминловчи “Йўл харитаси” ишлаб чиқилиши белгиланди.

Томонлар ўқув жараёнига тажрибали ходимларни жалб қилиш, сайёр машғулотларни ташкилотлар ўқув базасида ўтказиш, масофали таълим имкониятларидан фойдаланилган ҳолда таълим сифатини ошириб боришни келишиб олдилар.