Россия Федерацияси Тергов қўмитасининг Москва академияси билан ҳамкорлик тўғрисида Битим имзоланди

Жорий йилнинг 27 май куни Ўзбекистон Республикаси Бош прокуратураси Академияси ва Россия Федерацияси Тергов қўмитасининг Москва академияси ўртасида ҳамкорлик тўғрисида Битим имзоланди.

Ушбу ҳужжатда таълим, фан ва ҳуқуқни муҳофаза қилиш соҳасида ҳуқуқ амалиётини ўзаро боғлиқлигини ривожлантириш ва мустаҳкамлаш мақсадида иш тажрибаси, услубий, статистик, таҳлилий ва бошқа маълумотларни алмашиш орқали томонлар ўртасида ўзаро ҳамкорликни амалга оширилиши кўзда тутилган.

Имзолаш маросими Бош прокуратура Академияси ташкил этилганлигининг икки йиллиги муносабати билан ўтказилган халқаро илмий-амалий онлайн конференция доирасида 170 дан зиёд хорижий ва миллий экспертлар, шунингдек 24 давлат ва 10 та халқаро ташкилотнинг раҳбарлари ва ваколатли вакиллари иштирокида бўлиб ўтди.

Битимнинг имзоланиши Россия Федерацияси Тергов қўмитаси Раисининг 2020 йилнинг март ойида Ўзбекистонга ташрифи чоғида эришилган келишувларнинг мантиқий давоми бўлди.