ARIN-WCA тармоғининг истиқболдаги режалари муҳокамаси

Ғарбий ва Марказий Осиё давлатларининг активларни қайтариш бўйича идоралараро тармоғи (ARIN-WCA) Котибияти – Ўзбекистон Республикаси Бош прокуратураси Академиясининг ташаббуси билан жорий йилнинг 1 июнь куни мазкур тармоқ ишчи гуруҳининг онлайн учрашуви ўтказилди. Учрашувда ARIN-WCA Котибияти, Бирлашган Миллатлар Ташкилотининг Наркотик моддалар ва жиноятчилик бўйича бошқармаси (UNODC) вакиллари ҳамда халқаро экспертлар иштирок этишди.

Учрашув қатнашчилари пандемия даврида ARIN-WCA тармоғини самарали бошқариш ва унинг фаолиятини янада ривожлантириш, активларни қайтариш соҳасида ҳамкорликни кенгайтириш, алоқа вакилларининг салоҳиятини оширишга қаратилган онлайн ўқув курсларини ташкил этиш, тармоқ Бошқарув гуруҳи аъзоларининг навбатдаги йиғилишини ўтказиш каби ташкилий масалаларни муҳокама қилишди.

Учрашув якунларига кўра иштирокчилар ARIN-WCA доирасида жорий йилда амалга оширилиши керак бўлган муҳим вазифа ва тадбирларни белгилаб олишди.