Европа Кенгаши вакиллари билан ҳамкорлик доирасида тадбирлар муҳокама қилинди

Жорий йилнинг 3 июнь куни Академия томонидан Европа Иттифоқининг “Марказий Осиё – ҳуқуқ устуворлиги: очиқлик ва иқтисодий жиноятларга қарши курашишда ҳамкорлик (СА ТАЕС)” дастури доирасида видеоконференцалоқа режимида давра суҳбати ўтказилди.

Тадбирда Дастур менеджерлари, ЕХҲТнинг Ўзбекистондаги лойиҳалар координатори, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили, Савдо-саноат палатаси вакиллари ҳамда Бош прокуратура Академияси ходимлари иштирок этишди.  

Учрашув давомида муқаддам иштирокчилар томонидан режалаштирилган чора-тадбирларнинг самарадорлигини ошириш бўйича ишлаб чиқилган таклифлар, шу жумладан хусусий секторда коррупцияга қарши курашиш соҳасида хорижий тажрибани ўрганиш, коррупцияга оид ҳуқуқбузарликлар учун юридик шахсларни жавобгарликка тортиш интитутини жорий қилишнинг норматив-ҳуқуқий асосларини таҳлил қилиш, параллель молиявий терговни жорий этишда кўмаклашиш ва бошқа масалалар муҳокама қилинди.   

Учрашув якунида иштирокчилар Дастур бўйича якуний келишувга эришилганидан сўнг уни амалга оширишда ҳамкорликда иштирок этишга розилик билдиришди.