Tезкор-қидирув фаолиятини такомиллаштириш – жиноятчиликка қарши курашишда ҳал қилувчи омил

Жорий йилнинг 23 июнь куни Бош прокуратура Академияси томонидан “Иқтисодий жиноятларга қарши курашиш департаменти органларида тезкор-қидирув фаолиятини такомиллаштиришнинг долзарб масалалари” мавзусига бағишланган онлайн давра суҳбати ташкил этилди.

Давра суҳбатида Иқтисодий жиноятларга қарши курашиш департаменти, Ички ишлар вазирлиги ва Давлат божхона қўмитасининг тезкор бўлинмалари ходимлари, Бош прокуратура, ИИВ ва Давлат хавфсизлик хизмати академиялари, Божхона институтининг профессор-ўқитувчилари ва малака ошириш курси тингловчилари иштирок этишди.

Тадбирда жиноятларга қарши курашишда тезкор-қидирув фаолияти имкониятларидан фойдаланишда юзага келаётган айрим муаммолар ва уларни ҳал қилиш, тезкор-қидирув фаолияти тўғрисидаги қонун ҳужжатларини янада такомиллаштириш, тезкор бўлинмалар ҳамда суриштирув ва тергов органлари ўзаро ҳамкорлигини янада такомиллаштириш масалалари кўриб чиқилди.

Шунингдек, иқтисодий жиноятларга қарши курашиш бўйича тезкор бўлинма ходимларини қайта тайёрлаш ва малакасини оширишга мўлжалланган ўқув машғулотлари самарадорлигини ошириш борасида фикр алмашилди.