М.В.Ломоносов номидаги МДУ профессори билан учрашув

2020 йил 30 январ куни Ўзбекистон Республикаси Бош прокуратураси Академиясида М.В.Ломоносов номидаги МДУ профессори, психология фанлари доктори Тохир Юсупович Базаров билан учрашув бўлиб ўтди.

Ушбу учрашувда Т.Ю.Базаров Академиянинг профессор-ўқитувчиларидан иборат жамоа олдида “Бошқарув қарорларини қабул қилишнинг психологик жиҳатлари” мавзусида маъруза билан чиқиш қилди. Маърузада раҳбар томонидан қабул қилинувчи қарорларга ташкилот ходимларини жалб этиш масаласи марказий ўринга кўтарилди.

Раҳбар томонидан бошқарув қарорлари қабул қилинар экан, ходимларнинг манфаатлари ва фикри инобатга олиниши, қарор ижросини таъминлашдаги муҳим омил эканлиги алоҳида таъкидлаб ўтилди.

Суҳбат интерфаол тарзда ўтди ва учрашув иштирокчилари ўзларини қизиқтирган кўпгина саволларига жавоб олдилар.