Жиноий фаолиятдан олинган даромадларни легаллаштириш ва терроризмни молиялаштиришга қарши курашиш бўйича навбатдаги малака ошириш курслари

Бош прокуратура Академиясида Адлия вазирлиги кўмагида жиноий фаолиятдан олинган даромадларни легаллаштириш ва терроризмни молиялаштиришга қарши курашиш масалалари бўйича нотариуслар учун масофавий малака ошириш курси ташкил этилди.

Мазкур курс Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича идоралараро комиссиянинг топшириғи ижросини таъминлаш доирасида ташкил этилди.

Курс дастури жиноий фаолиятдан олинган даромадларни легаллаштириш ва терроризмни молиялаштиришга қарши курашиш миллий тизимининг устувор масалалари, жиноий фаолиятдан олинган даромадларни легаллаштириш ва терроризмни молиялаштириш халқаро стандартлари, мазкур соҳада хавфларни миллий баҳолаш, коррупциянинг олдини олишга доир чора-тадбирлар, жиноий фаолиятдан олинган даромадларни легаллаштириш ва терроризмни молиялаштириш билан боғлиқ шубҳали фаолиятни таҳлил қилиш масалаларини қамраб олган.