“Ўзбекистонда коррупцияга қарши курашиш чора-тадбирларини такомиллаштириш” мавзусида туркум халқаро онлайн тадбирлар бўлиб ўтади

2020 йил 7-21 июль кунлари Бош прокуратура Академияси томонидан Бош прокуратура коррупцияга қарши тадбирларни мувофиқлаштириш бошқармаси билан ҳамкорликда Ўзбекистон Республикаси Президентининг 2020 йил 29 июндаги Фармони билан тасдиқланган Ўзбекистон Республикасида коррупцияга қарши кураш тизимини такомиллаштириш бўйича чора-тадбирларни амалга ошириш мақсадида ташкил этилган “Ўзбекистонда коррупцияга қарши курашиш чора-тадбирларини такомиллаштириш” мавзусида қатор халқаро веб-тадбирлар ўтказилиши режалаштирилган.

Тадбирлар доирасида халқаро ва хорижий ташкилотлар вакиллари, хорижий давлат органлари раҳбарлари ва ходимлари, шунингдек Олий Мажлис тегишли қўмиталари масъул вакиллари, давлат идоралари ва ҳуқуқни муҳофаза қилиш  органлари ҳамда илмий жамоатчилик вакиллари иштирок этади.

Муҳокамалар янги ташкил этилган Ўзбекистон Республикаси Коррупцияга қарши курашиш агентлиги фаолиятини ташкил этиш, унинг вазифа ва функцияларига бағишланади.

2020 йил 7 июль куни ИҲРТ, ЕХҲТ ҳамда БМТ НЖҚБ кўмагида Мазкур туркумдаги биринчи тадбир – “Коррупцияга қарши янги орган: профилактик ва назорат модели” мавзусидаги онлайн давра суҳбати бўлиб ўтади.

Тадбирларда иштирок этиш, шунингдек, қўшимча маълумот олиш учун рақам: 71-202-04-96 (ички 1736), e-mail: bi.ismailov@proacademy.uz.