Илмий салоҳиятни ошириш бўйича чоралар

Ўзбекистон Республикаси Бош прокуратураси Академиясининг илмий салоҳиятини босқичма-босқич ошириб бориш долзарб вазифалардан бири ҳисобланади.

2020 йил 31 январда Ўзбекистон Республикаси Президенти ҳузуридаги Давлат бошқаруви академияси ҳузуридаги Илмий даражалар берувчи Илмий кенгаши мажлисида Академия илмий ходими Л.Исоқовнинг “12.00.02 – Конституциявий ҳуқуқ. Маъмурий ҳуқуқ. Молия ва божхона ҳуқуқи” ихтисослиги бўйича “Ўзбекистонда миграция соҳасидаги давлат бошқарувининг ташкилий-ҳуқуқий асослари” мавзусидаги юридик фанлар бўйича фалсафа доктори (PhD) илмий даражасини олиш учун тайёрланган диссертациясининг ҳимояси бўлиб ўтди.

Илмий кенгаш аъзолари бир овоздан талабгорнинг юридик фанлар бўйича фалсафа доктори (PhD) илмий даражасини олишига овоз бердилар.

Академия жамоаси Л.Исоқовни диссертацияни муваффақиятли ҳимоя қилганлиги билан табриклайди!