Академия ва Ўзбекистон Республикаси Савдо-саноат палатаси ўртасидаги ҳамкорликнинг янги босқичи

Бош прокуратура Академиясида жорий йилнинг 29 июль куни Ўзбекистон Республикаси Савдо-саноат палатаси билан ҳамкорликда онлайн давра сухбати бўлиб ўтди.

Тадбирда Ўзбекистон Республикаси Савдо-саноат палатаси ва Бош прокуратура Академиясининг раҳбарияти, малакали мутахассис-экспертлари ўзларининг маърузалари билан қатнашдилар.

Амалиётда мавжуд муаммолар, юзага келаётган долзарб масалалар таҳлилидан келиб чиққан ҳолда, иштирокчиларнинг асосий эътибори хусусий секторда коррупцияга қарши курашиш бўйича хорижий давлатлар тажрибаси, тадбиркорлар томонидан содир этилаётган ҳуқуқбузарликлар профилактикаси ва коррупцияга қарши курашиш масалалари ҳамда соҳада амалга оширилиши лозим бўлган келгусидаги вазифалар муҳокамасига қаратилди.

Иштирокчиларнинг фикрига кўра, хусусий секторда коррупцияга оид ҳуқуқбузарликларга қарши курашишда ҳуқуқни муҳофаза қилувчи органлар, нодавлат нотижорат ташкилотлар ва тадбиркорлар ўртасида самарали ҳамкорликни янада мустаҳкамлаш, ҳамкорлик йўналишларини кенгайтириш муҳим аҳамиятга эга ҳисобланади.

Давра суҳбати якунига кўра, Ўзбекистон Республикаси Савдо-саноат палатаси ва Бош прокуратура Академияси ўртасида ўзаро ҳамкорлик Меморандуми ҳамда чора-тадбирлар режаси имзоланди.