ИЛМИЙ НАТИЖАЛАРНИ ЭЪЛОН ҚИЛИШ ИМКОНИЯТЛАРИ КЕНГАЙМОҚДА

2019 йилда Олий ва ўрта махсус таълим вазирлиги томонидан Нидерландиянинг “Elsevier” компанияси билан ҳамкорликда “Digital Commons” платформаси негизида республика олий таълим муассасалари 41 та илмий журналларининг Uzbekistan Research Online рақамли платформаси (https://uzjoumals.edu.uz/) ташкил этилган.

Платформага киритилган илмий журналларда, шу жумладан Бош прокуратура Академиясининг ProAcademy (https://uzjournals.edu.uz/proacademy/) журналида мақолалар қабул қилиш халқаро стандартларга мослаштирилган бўлиб, икки босқичли аноним тақриздан (double-blind peer review) ўтказилиши таъминланган. Бугунги кун ҳолатига кўра, мазкур журналларда 4600 дан зиёд илмий мақолалар нашр этилган бўлиб, материаллар дунёнинг 108 та мамлакатларида 59000 маротабадан ортиқ юклаб олинган.

Ўзбекистон Республикаси Вазирлар Маҳкамаси ҳузуридаги Олий аттестация комиссияси Раёсатининг 2020 йил 30 июлдаги 283/7.1-сон карорига асосан, мазкур 41 та илмий журналларда нашр этилган мақолалар хорижий илмий нашрларда чоп этилган илмий мақолаларга тенглаштирилди.