Давлат байроғи – миллий ғурур, мустақиллик ва бирлик рамзи

2020 йил 18 ноябрь куни Бош прокуратура Академиясида Давлат байроғи қабул қилинганлигининг 29-йиллигига бағишланган тадбир бўлиб ўтди.

Тадбирда Академия профессор-ўқитувчилари ва магистратура тингловчилари, шунингдек илмий ва таълим муассасалари вакиллари иштирок этдилар.

Таклиф этилган маърузачилар томонидан Ўзбекистон Республикаси давлат рамзлари шаклланишининг тарихи ва уларнинг жамият ҳаётининг маънавий-ахлоқий асосларини шакллантиришдаги ўрни, жамиятимизнинг ҳар бир аъзоси ҳаётида байроғимизнинг тутган ўрни ва аҳамияти ёритиб берилди.

Янги Ўзбекистон ўзининг янги дунёқарашида давлатчилигимиз ва маданиятимизнинг буюк тарихига бўлган ҳурмат ва эҳтиромга, ўзбек халқининг интеллектуал бойлиги ва иқтидорига, билим ва маърифатга интилиш, барқарор янгилик, жамият ва давлат ҳаётининг барча соҳаларини янгилаш тамойилларига асосланади.

Тадбир иштирокчилари томонидан ушбу кун мамлакатимиз миқёсида нишонланадиган энг йирик тадбирлардан бири эканлиги, байроғимиз биз учун муқаддас ва ардоқли ҳисобланиши, у истиқлолимизнинг ёрқин ифодаси эканлиги алоҳида таъкидланди.

Академия ўқитувчилари ва магистрлари томонидан тайёрланган тадбирнинг ижодий қисми иштирокчиларда катта қизиқиш уйғотди.