Бутунжаҳон болалар кунини нишонлаш

20 ноябрь куни дунё болаларининг фаровонлигини таъминлаш фаолиятга бағишланган Бутунжаҳон болалар ҳуқуқи куни сифатида нишонланади.

Бундай тадбирдан асосий мақсад – болаларни ҳимоя қилиш ва уларнинг ҳуқуқларини таъминлаш доирасидаги долзарб муаммоларга жамоатчилик эътиборини жалб қилишдир.

1959 йилнинг шу кунида БМТ Бош Ассамблееяси томонидан Бола ҳуқуқлари декларацияси, 1989 йилда эса, кенг миқёсда тан олинган болалар ҳуқуқлари ҳақидаги шартнома – Бола ҳуқуқлари тўғрисида Конвенция қабул қилинган.

Шу муносабат билан, Бош прокуратура Академияси магистратураси тингловчилари томонидан Тошкент шаҳрининг Юнусобод туманидаги 23-сон Болалар уйи тарбияланувчиларини Бола ҳуқуқлари тўғрисидаги Конвенциянинг асосий тамойиллари билан таништириш  мақсадида байрам тадбири ташкил этилди.

Байрам тадбири ўйин ва интерактив шаклида ўтказилди. Бунда, болаларга бола ҳуқуқлари билан боғлиқ муҳим масалаларни намоён қилишларида ўзларининг тасаввури ва ижодий ёндошувига имконият яратилди.