Бош прокуратура Академиясида пресс-тур

2020 йил 23 ноябрь куни Бош прокуратура Академиясида Академия фаолияти билан танишиш бўйича пресс-тур бўлиб ўтди.

Тадбирда 20 нафардан зиёд давлат ва нодавлат ОАВ вакиллари, блогерлар ҳамда интернет журналистика соҳасида фаолият кўрсатаётган мутахассислар  иштирок этдилар.

Пресс-тур давомида  меҳмонлар Академия кафедралари, бўлим ҳамда марказлари фаолияти, шунингдек ўқув жараёни, илмий-тадқиқотлар ҳамда таҳлилий фаолиятнинг ташкил этилиши билан атрофлича танишиш имкониятига эга бўлдилар.

Масс-медиа вакилларига Академия фаолиятига оид видеоматериаллар ва тақдимотлар намойиш этилиб, тегишли брошюра ва буклетлар тақдим этилди.

 Шунингдек, меҳмонлар учун Академия биноси бўйлаб экскурсия ташкил этилди. Экскурсия давомида меҳмонлар суд процесси имитацияси хонаси, криминалистика хонаси ва полигони, электрон тир ва бошқа амалий ҳамда вазиятли машғулотлар ўтказиш учун махсус жиҳозланган хоналар, шунингдек Академия ўқув аудиторияларини кўздан кечиришди.

Меҳмонларда шунингдек электрон (масофавий) ўқитиш, воқеа жойини виртуал кўздан кечириш, Академия мультимедиа марказининг имкониятлари қизиқиш уйғотди.

Тадбир давомида меҳмонлар учун тергов-криминалистика тактикалари ва методикаларини амалий қўллаш имитациясида, шунингдек махсус ташкил этилган танловларда иштирок этиш имконияти яратилди.

Пресс-тур иштирокчилари ўзларини қизиқтирган саволларга жавоб олдилар.