Халқаро ҳуқуқ нормаларини миллий қонунчиликка жорий этиш масалалари муҳокама қилинди

Бош прокуратура Академияси томонидан БМТнинг Инсон ҳуқуқлари бўйича Олий комиссари бошқармаси Марказий Осиё учун минтақавий бўлинмасининг Ўзбекистондаги Миллий Дастури координатори билан ҳамкорликда БМТнинг Қийноқларга қарши конвенциясининг Факультатив протоколи қоидаларини миллий қонунчиликка жорий қилиш масалаларига бағишланган онлайн давра суҳбати ташкил этилди.

Тадбирда БМТнинг Қийноқларга қарши  қўмитаси раиси ўринбосари, Қийноқларнинг олдини олиш бўйича Европа қўмитаси аъзоси  Георгий Тугуши, БМТнинг Инсон ҳуқуқлари бўйича Олий комиссари бошқармасининг Марказий Осиё учун минтақавий бўлинмасининг экспертлари ва ходимлари, шунингдек,  Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман), Инсон ҳуқуқлари бўйича Ўзбекистон Республикаси Миллий маркази, Олий Мажлис ҳузуридаги Қонунчилик муаммолари ва парламент тадқиқотлари институти масъул ходимлари, Бош прокуратура Академияси, Судьялар олий кенгаши ҳузуридаги Судьялар олий мактаби, ТДЮУ, ЖИДУ, ИИВ Академияси, Адлия вазирлиги қошидаги Юристлар малакасини ошириш маркази профессор-ўқитувчилари иштирок этдилар.

Тадбир иштирокчилари Қийноқларга қарши конвенциянинг Факультатив протоколи қоидаларини қонунчиликка имплементация қилиниши юзасидан халқаро тажриба борасида фикр алмашдилар.

Экспертлар тадбир давомида қийноқларнинг олдини олиш ва унга қарши кураш борасида мамлакатимизда амалга оширилаётган ҳуқуқий ислоҳотларга юқори баҳо беришди.

Тадбир савол ва жавобларга бой тарзда бўлиб ўтди.

Иштирокчилар томонидан халқаро тажрибани ўрганишда шунга ўхшаган давра суҳбатлари муҳим аҳамият касб этиши таъкидланди.