Чилонзор туманида «Хавфсиз ҳудуд» қўшма лойиҳасини амалга ошириш доирасида навбатдаги вазифалар муҳокама қилинди

Бош прокуратура Академияси жиноятларнинг содир этилиши сабабларини тизимли таҳлил қилиш ва ўрганиш маркази ҳамда БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси вакиллари, халқаро ва миллий даражадаги экспертлар ўртасида Чилонзор туманида «Хавфсиз ҳудуд» қўшма лойиҳаси доирасида тадқиқот ўтказиш масаласи муҳокамасига бағишланган видеоконференцалоқа воситасида навбатдаги учрашув бўлиб ўтди.

Мазкур лойиҳа доирасида Чилонзор туманида ҳуқуқбузарликларнинг олдини олиш бўйича услубий қўлланмалар ҳамда  криминологик харита тузилиши белгиланган.

Учрашув доирасида лойиҳани амалга ошириш жараёнида бугунги кунга қадар амалга оширилган ишлар натижалари ҳамда миллий экспертлар томонидан ишлаб чиқилган ўқув қўлланмалар юзасидан таклифлар  кўриб чиқилди.