ИЛМИЙ САЛОҲИЯТНИ ОШИРИШ ЙЎЛИДА

Академия профессор-ўқитувчилари ва ходимларининг илмий салоҳиятини босқичма-босқич ошириб бориш Академиянинг долзарб вазифалардан бири ҳисобланади.

2020 йил 28 ноябрь куни Ўзбекистон Республикаси Бош прокуратураси Академияси ҳузуридаги илмий даражалар берувчи Илмий кенгашнинг навбатдаги мажлиси бўлиб ўтди, унда Академия катта ўқитувчиси А.Комиловнинг “12.00.07 – Суд ҳокимияти. Прокурор назорати. Ҳуқуқни муҳофаза қилиш фаолиятини ташкил этиш. Адвокатура” ихтисослиги бўйича “Тадбиркорларни ҳуқуқий ҳимоя қилишга қаратилган қонунлар ижроси устидан прокурор назоратининг ташкилий-ҳуқуқий асосларини такомиллаштириш” мавзусидаги юридик фанлар бўйича фалсафа доктори (PhD) илмий даражасини олиш учун тайёрланган диссертациясининг ҳимояси бўлиб ўтди.

Тадқиқот натижасида ишлаб чиқилган илмий хулосалар ва таклифлардан Ўзбекистон Республикаси Президентининг 2020 йил 10 августдаги “Суд-тергов фаолиятида шахснинг ҳуқуқ ва эркинликларини ҳимоя қилиш кафолатларини янада кучайтириш чора-тадбирлари тўғрисида”ги ПФ–6041-сонли Фармони, Ўзбекистон Республикаси Бош прокуратурасининг услубий ҳужжатларини ишлаб чиқиш ҳамда “Бизнес Сарбон” электрон ахборот тизимини яратишда (03.06.2020 йилдаги № DGU 08315-сонли муаллифлик гувоҳномаси) фойдаланилганлиги алоҳида диққатга сазовордир.

Илмий кенгаш аъзолари бир овоздан талабгорнинг юридик фанлар бўйича фалсафа доктори (PhD) илмий даражасини олишига овоз бердилар.

Академия жамоаси А.Комиловни диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!