ИЛМИЙ САЛОҲИЯТНИ ИЗЧИЛ ЮКСАЛТИРИШ

Ўзбекистон Республикаси Бош прокуратураси Академияси ҳузуридаги илмий даражалар берувчи Илмий кенгаш мажлисида Академия катта ўқитувчиси Д.Довудованинг “12.00.09 – Жиноят процесси, криминалистика, тезкор-қидирув ҳуқуқ ва суд экспертизаси” ихтисослиги бўйича “Биринчи инстанция судларида жиноят ишларини юритишда прокурор ваколатларини такомиллаштириш масалалари” мавзусидаги юридик фанлар бўйича фалсафа доктори (PhD) илмий даражасини олиш учун ёзилган диссертацияси ҳимояси бўлиб ўтди.

Д.Довудова томонидан биринчи инстанция судларида жиноят ишларини юритишда прокурор ваколатини назарий-ҳуқуқий асослари, тадрижий ривожланишини ва амалиётдаги муаммоларни бартараф қилиш юзасидан таҳлил қилиш натижасида тадқиқот иши доирасида назарий, амалий-ташкилий ва қонунчиликни такомилаштиришга қаратилган таклиф, тавсия ва хулосалар ишлаб чиқилди.

Илмий Кенгаш иштирокчилари томонидан мазкур илмий иш бир овоздан ижобий деб баҳоланиб, Довудова Дилзода Сулаймоновнанинг диссертацияси тугалланган деб ҳисобланиб, юридик фанлари бўйича фалсафа доктори (PhD) илмий даражасини бериш юзасидан Вазирлар Маҳкамаси ҳузуридаги Олий аттестация комиссиясига ҳужжатларни тақдим этиш юзасидан қарор қабул қилинди.

Академия жамоаси Д.Довудовани диссертацияни муваффақиятли ҳимоя қилганлиги билан табриклайди ва келгусидаги илмий ва касбий фаолиятида улкан зафарлар тилайди!