Алоҳида турдаги жиноятларни профилактика қилиш борасидаги ишлар

Бош прокуратура Академияси фаолиятининг асосий йўналишларидан бири прокуратура ва ҳуқуқни муҳофаза қилувчи идораларнинг ҳуқуқбузарликлар профилактикаси фаолиятини методологик таъминлаш ҳисобланади.

Жиноятларнинг содир этилиши сабабларини тизимли таҳлил қилиш ва ўрганиш Маркази томонидан ўтказилган таҳлил шуни кўрсатмоқдаки, ҳозирги кунда рақамли технологияларнинг ривожланиши ва онлайн савдоларнинг кенг тарқалиши натижасида аҳолини пластик карталаридан интернет орқали алдов йўли билан пул ўғирлаш ҳолатлари учрамоқда.

Аҳолининг огоҳлигини ошириш ва шу каби ҳуқуқбузарликларнинг оқибатларидан ҳимоя қилиш мақсадида марказ томонидан БМТнинг гиёҳванд моддалар ва жиноятчилик  бўйича бошқармасинг Марказий Осиёдаги минтақавий ваколатхонаси ёрдами билан OLX интернет сайти ҳамкорликда “Интернет-фирибгарлардан қандай қилиб сақланиш мумкин” номли ижтимоий видеоролик мослаштирилиб, ўзбек ва рус тилларига таржима қилинди.

Мазкур қисқа видеороликда бир неча дақиқа давомида фирибгарларнинг асосий фаолияти йўллари ҳамда улардан ҳимояланиш усуллари кўрсатилган.

Видеороликни мазкур ҳаволага ўтиш орқали кўриш мумкин: https://www.youtube.com/watch?v=G1XXiBCPTBk