Магистратура тингловчилари орасида танлов ўтказилди

Бош прокуратура Академиясида магистратура тингловчилари орасида Ўзбекистон Республикаси Конституцияси қабул қилинганлигининг 28 йиллиги муносабати билан ўтказилаётган туркум тадбирлар доирасида танлов бўлиб ўтди. 

Танловдан кўзланган мақсад кадрларни мамлакатнинг Асосий қомусини ҳурмат қилиш руҳида тарбиялаш ва уларнинг конституциявий ҳуқуқ соҳасидаги билимларини янада мустаҳкамлаш ҳисобланади.

Холисликни таъминлаш мақсадида танлов иштирокчиларини баҳолаш мақсадида тузилган ҳакамлар ҳайъати таркиби танловнинг айни бошланишидан олдин эълон қилинди.

Гуруҳ иштирокчилари “таништириш”, “дунё мамлакатлари конституциялари ҳақида импровизацион чиқиш”, “анаграмма ва диққат машқ”, “блиц савол ва кейс” ҳамда “пантомимо” каби доноликни ҳамда алоҳида ёндашувни талаб қилувчи шартларга ижодий ёндашдилар.

Танлов якуни бўйича ғолибларга махсус эсдалик совғалари ва сертификатлар топширилди.

Тадбир иштирокчилари тадбирнинг юқори савияда ўтказилганлигини, ундаги тематик вазифалар, мусобақаларни ташкил этиш, баҳолаш ва уларда иштирок этиш қўшимча тажриба орттиришга ҳамда иштирокчиларнинг ижодий салоҳияти ва кўникмаларини ривожлантиришга хизмат қилишини таъкидладилар.

Академиянинг магистратура битирувчилари ассоциацияси аъзоларини жалб қилган ҳолда ҳар йили ушбу танловни ўтказиш ташаббуси ҳам бир овоздан қўллаб-қувватланди.