«Мен спортни танлайман!» ижтимоий видеороликлар тақдимоти

Бош прокуратура Академияси томонидан БМТнинг Гиёҳванд моддалар ва жиноятчилик бўйича бошқармаси (ГМЖБ) Марказий Осиёдаги минтақавий ваколатхонаси, Халқ таълими вазирлиги, Ёшлар ишлари агентлиги ҳамда Жисмоний тарбия ва спорт вазирлиги билан ҳамкорликда 2020 йилнинг 14 декабрь куни Тошкент шаҳридаги Hilton меҳмонхонасида «Мен спортни танлайман!» ижтимоий мотивацион видеороликлар тақдимоти ўтказилди.

Мазкур видеороликлар ГМЖБнинг Доха Декларациясини амалга ошириш бўйича глобал дастурининг таркибий қисми бўлган «Спорт орқали ёшлар ўртасида жиноятчиликнинг олдини олиш» ташаббуси доирасида ишлаб чиқилган.

Видеороликлар сценарийсини ишлаб чиқишда ҳамда уларни яратишда Академиянинг Жиноятларнинг содир этилиши сабабларини тизимли таҳлил қилиш ва ўрганиш маркази ходимлари бевосита иштирок этдилар.

Замонавий ахборот муҳитида ёшлар учун махсус ишланган ижтимоий роликлар ҳуқуқбузарликлар профилактикасининг ўзига хос таъсирчан механизми сифатида  хизмат қилади.

Видеороликларга олимпия ўйинлари ғолибларининг жалб этилганлиги ёшларни спортга жалб қилиш, соғлом турмуш тарзи ва спортни тарғиб қилиш жиноятчилик, зўравонлик ва гиёҳвандликнинг олдини олишда муҳим мотивацион восита ҳисобланади.

Видеороликларни қуйидаги ҳаволалар орқали кўринг: 

https://www.youtube.com/watch?v=JhExhtNwlAY

https://www.youtube.com/watch?v=2yksy0rWOQI

https://www.youtube.com/watch?v=mCICiFYX8pY

https://www.youtube.com/watch?v=2q8dlrqldmI