Судьялар олий мактаби докторантлари ва мустақил изланувчилари учун давра суҳбати ташкил этилди

2020 йил 18 декабрь куни Судьялар олий мактабида “Олий таълимдан кейинги таълим институтида ўқиш ва диссертацияга қўйиладиган талаблар” мавзусида Судьялар олий мактаби раҳбарияти, кафедра мудирлари ва ўқитувчилари, илмий тадқиқотларни мувофиқлаштириш бўлими ходимлари, шунингдек таянч докторантура ва докторантурада ўқиш учун қабул қилинган докторантлар ҳамда мустақил изланувчилар иштирокида давра суҳбати ўтказилди.

Давра суҳбатида Ўзбекистон Республикаси Вазирлар Маҳкамаси ҳузуридаги Олий аттестация комиссияси эксперти, Бош прокуратура Академияси Ҳуқуқий муаммоларни илмий-амалий ва инновацион тадқиқ қилиш ҳамда илмий ходимларни тайёрлаш маркази бошлиғи ю.ф.д., профессор М.Мамасиддиқов иштирок этиб, илмий мақолаларни тайёрлаш бўйича талаблар, илмий-тадқиқот ишларини амалга ошириш тартиби ва шартлари ҳақида тушунтиришлар берди.

Судьялар олий мактаби раҳбарияти ва профессор-ўқитувчилари томонидан Олий мактабда ташкил этилган докторантура ва унда ўқишга оид ички тартиб-қоидалар борасида докторантлар хабардор қилинди.

Шу каби тадбирлар тизимли тарзда ўтказилиши илмий-тадқиқот фаолиятининг сифати ва самарадорлигини оширишга хизмат қилиши иштирокчилар томонидан таъкидланди.