“Прокуратура полвони” турнирида иштирок этилди

2020 йил 24 декабрь куни Ўзбекистон Кураш Федерацияси ва Бош Прокуратура ҳамкорлигида прокуратура ходимлари ўртасида “Прокуратура полвони” турнири ўтказилди.

Турнир прокуратура ходимларининг жисмоний тайёргарлигини оширишда курашни асосий спорт тури сифатида татбиқ этиш мақсадида ташкил этилди.

Мазкур турнирда аёллар ўртасида 63 килограммдан юқори вазн тоифасида Бош прокуратура Академияси Тил ўргатиш кафедраси бошлиғи С.Р.Курбанова ғолибликни қўлга киритди.

Мусобақа ғолиби диплом ва эсдалик совғалар билан тақдирланди, шунингдек мамлакатимиз давлат органлари, муассасалари ва ташкилотлари ходимлари ўртасида бўлиб ўтадиган “Ўзбек полвони” республика мусобақасида иштирок этиш учун йўлланмани қўлга киритди.