Бухоро вилояти прокуратурасининг ёш мутахассислари учун электив курс ўтказилмоқда

Бош прокуратура Академияси томонидан прокуратура органлари ходимлари ўртасида ўтказилган сўровлар натижалари ҳамда аниқланган эҳтиёжларидан келиб чиққан ҳолда, якка тартибда малака ошириш имкониятини таъминлаб беришни йўлга қўйиш мақсадида электив (тингловчи танловига кўра) курсларни ишлаб чиқиш ва ўтказишга қаратилган ишлар амалга ошириб келинмоқда.

Ҳозирги пайтда Бухоро вилояти прокуратураси органларида хизмат қилаётган ёш мутахассислар иштирокида қонунчилик ижроси устидан назорат ҳамда судларда прокурор ваколатини таъминлаш йўналишларида тингловчиларнинг асосий иш жойидан ажралмаган ҳолда масофавий электив курс бўлиб ўтмоқда.

Курс дастури тингловчилар эҳтиёжларини инобатга олган ҳолда ишлаб чиқилган бўлиб, қонунчилик ижроси устидан прокурор назорати ҳамда судларда прокурор ваколатини таъминлашнинг долзарб масалалари бўйича ўқув машғулотларидан иборат.

Курс давомида ўзлаштирилган билим ва кўникмаларни мустаҳкамлаш, шунингдек курс амалий натижадорлигини таъминлаш мақсадида ўқув машғулотлари якунида тингловчилар томонидан ҳуқуқни қўллаш амалиётини такомиллаштиришга оид таклиф ва тавсияларни ўз ичига олган таҳлилий материаллар тайёрланади.