Коррупцияга қарши курашиш соҳасида халқаро ва миллий экспертларнинг тавсиялари муҳокама қилинди

Бош прокуратура Академияси томонидан Европа Кенгаши ва Европа Иттифоқининг “Марказий Осиё – қонун устуворлиги: шаффофликка кўмаклашиш ва иқтисодий жиноятларга қарши курашиш (СА ТАЕС UZ)” лойиҳаси доирасида Ўзбекистон Республикасида коррупцияга қарши курашиш соҳасидаги қонун ҳужжатлари шарҳларини муҳокамасига бағишланган вебинар ўтказилди.

Тадбирда Ўзбекистон Республикаси Олий Мажлиси Сенатининг Суд-ҳуқуқ масалалари ва коррупцияга қарши курашиш қўмитаси раиси Н.Умаров, Қонунчилик палатаси депутати Ш.Тўхташев, Европа Кенгашининг Иқтисодий жиноятларга қарши курашиш бошқармаси раҳбари М.Ферати, Европа Кенгаши экспертлари К.Царна ва Л.Очилова, вазирлик, идора ва таълим муассасалари вакиллари иштирок этди.

Лойиҳа доирасида Ўзбекистонда коррупцияга қарши курашиш тизимини шаклланишнинг долзарб масалалари бўйича кенг қамровли шарҳлар ўтказилиб, тегишли тавсиялар тайёрланган.