Терговга қадар текширув ўтказишнинг айрим масалаларига оид малака ошириш курси бошланди

Бош прокуратура Академиясида туман (шаҳар) прокуратуралари терговчилари иштирокида “Терговга қадар текширув ўтказишнинг айрим масалалари” мавзусида масофавий малака ошириш курси бошланди.

Курс дастури тингловчилар эҳтиёжлари асосида тузилган бўлиб, ҳодиса содир бўлган жойни кўздан кечириш, экспертиза текширувлари учун намуналар олиш, ашёвий далиларни кўздан кечириш ва далилий ашё деб эътироф этиш масалаларини қамраб олган.

Шу билан бирга, ўқув курси машғулотлари доирасида шахсда табиий ўлим ҳолати қайд этилганлиги, шахси номаълум мурда топилганлиги, шунингдек бедарак йўқолган шахсни қидириб топишга қаратилган терговга қадар текширув ҳаракатларини ўтказиш тартибига оид машғулотлар ўрин олган.

Мазкур масофавий ўқув курси терговчиларнинг замонавий тергов услубларини қўллаш борасида билим ва кўникмаларини мустаҳкамлаш орқали тергов сифатини оширишга қаратилган.