Мини-футбол бўйича идоралараро турнир ўтказилди

Бош прокуратура Академияси ва Судьялар олий мактаби ҳамкорлигида мини-футбол бўйича томонлар профессор-ўқитувчилари ва магистратура тингловчилари ўртасида мини-футбол бўйича турнир ўтказилди.

Мазкур турнир спорт воситасида прокуратура ва суд ходимларининг жисмоний тайёргарлигини ошириш, қолаверса, ҳар иккала ўқув муассасалари ўртасидаги дўстона ҳамкорлик алоқаларини мустаҳкамлаш мақсадида ташкил этилди.

Ўтказилган ўртоқлик учрашувлари натижаси бўйича финалга йўлланмани Бош прокуратура Академиясининг профессор-ўқитувчилар жамоаси ҳамда Судьялар олий мактаби магистратурасининг тингловчилари қўлга киритдилар. Ўйиндан кейинги пенальтилар серияси якунига кўра Судьялар олий мактаби магистратурасининг тингловчилари жамоаси ғолибликни қўлга киритди.

Финал иштирокчилари диплом ва эсдалик совғалар билан тақдирланди.