Илмий кадрлар тайёрлаш борасидаги фаолият

Бош прокуратура Академияси Илмий кенгашининг навбатдаги мажлиси бўлиб ўтди.

Тасдиқланган кун тартибига кўра, Академия томонидан етакчи ташкилот сифатида юридик фанлар бўйича фалсафа доктори (PhD) илмий даражасини олиш учун ёзилган диссертациялар муҳокамаси бўлиб ўтди.

Жумладан, унда юридик фанлар бўйича фалсафа доктори илмий даражасини олиш учун ёзилган Ўзбекистон Республикаси ИИВ Академияси мустақил изланувчиси Ғ.Қаршиевнинг “12.00.08 – Жиноят ҳуқуқи. Криминология. Жиноят-ижроия ҳуқуқи” ихтисослиги бўйича “Ёшлар рецидив жиноятчилигининг криминологик тавсифи ва профилактикаси” ҳамда Ўзбекистон Республикаси Президенти ҳузуридаги Давлат бошқаруви академияси таянч докторанти Ш.Ҳамдамованинг “12.00.02 – Конституциявий ҳуқуқ. Маъмурий ҳуқуқ. Молиявий ва божхона ҳуқуқи” ихтисослиги бўйича “Маҳаллий давлат ҳокимияти тизимини ташкил этишда ҳокимиятлар бўлиниш принципини қўллаш” мавзусидаги диссертациялари муҳокама қилинди.

Шу билан бирга, мажлисда Бош прокуратура Академияси 1 ва 2-босқич таянч докторантларининг 2020 йилдаги илмий фаолияти мониторинги натижалари бўйича ҳисоботлар эшитилди, мустақил изланувчиларнинг диссертация мавзуси ва илмий раҳбарини ўзгартириш ҳақида тегишли қарор қабул қилинди.