Прокуратура органлари ходимлари куни муносабати билан байрам тадбирлари бўлиб ўтди

Ўзбекистон Республикасининг 2016 йил 19 декабрдаги Қонуни билан 8 январь Ўзбекистон Республикаси прокуратура органлари ходимлари куни этиб белгиланган.

Ўзбекистон Республикаси Бош прокуратурасида ушбу санага бағишлаб ўтказилган йиғилишда прокуратура органлари томонидан амалга оширилган ишлар сарҳисоб қилиниб, келгусидаги муҳим устувор йўналишлар белгилаб олинди.

Касб байрами муносабати билан хизмат вазифаларини виждонан бажариб, қонун устуворлигини таъминлаш, қонунийликни мустаҳкамлаш, ҳуқуқбузарликларнинг олдини олиш ва профилактика қилишда ижобий натижаларга эришган, кадрларнинг касбий маҳорати ва малакасини ошириш, ходимларга прокурор-тергов ишининг илғор ютуқларини ўргатиш ҳамда прокуратура органлари фаолиятини илмий-методик жиҳатдан таъминлаш ишига салмоқли ҳисса қўшган Бош прокуратура Академиясининг 6 нафар ходими Ўзбекистон Республикаси Бош прокурорининг тегишли буйруғи билан рағбатлантирилди.

Шунингдек, прокуратура органлари ходимлари ўртасида ўтказилган катта теннис бўйича турнирда фахрли ўрин эгаллаган Академия жамоаси аъзолари диплом ва кубоклар билан тақдирланди.

Касб байрами доирасида Академияда ўтказилган тадбирда ҳам юклатилган вазифаларни бажаришда ташаббускорлик ва алоҳида намуна кўрсатган Академия жамоасининг бир гуруҳ ходимлари самарали меҳнати учун Академия бошлиғи томонидан рағбатлантирилди.