Фуқаролар билан мулоқот олиб боришнинг самарали усуллари бўйича тренинг машғулоти

Бош прокуратура Академиясида сектор масъул котиблари учун “Прокурор сектор ишини тизимли ва самарали ташкил этиш” мавзусидаги масофавий малака ошириш курси доирасида “Фуқаролар билан мулоқот олиб боришнинг самарали усуллари” мавзусида тренинг машғулоти бўлиб ўтди.

Мазкур тренингда фуқаролар билан хизмат мулоқоти олиб боришда эътибор қаратилиши лозим бўлган психологик хусусиятлар атрофлича ёритиб ўтилди.

Хусусан, мулоқот самарасини таъминлашда мулоқот босқичларига риоя қилиш, айниқса қабулга келган фуқаро билан контакт ўрнатиш ва мулоқот учун ижобий муҳитни яратиш зарурлиги алоҳида таъкидлаб ўтилди. Шунингдек, мулоқот босқичларига риоя қилиш қабул давомида юзага келувчи низоли вазиятларни юмшатиш имконияти ҳам эканлиги мисоллар билан тасдиқлаб берилди.