Прокуратура органлари фаолияти йўналишлари ҳамда илмий кадрлар тайёрлаш бўйича навбатдаги қадамлар

Академияда прокуратура органлари фаолияти йўналишлари бўйича илмий ва илмий-педагог кадрлар тайёрлаш фаолиятини амалга ошириш доирасида 2021 йил 23 ва 24 февраль кунлари юридик фанлар ихтисосликлари бўйича мустақил изланувчиликка қабул қилиш бўйича навбатдаги танловнинг якуний босқичи – талабгорлар билан суҳбат ўтказилди.

Мустақил изланувчиликка навбатдаги қабул талабгорларнинг сезиларли даражада ошганлиги билан фарқланди. Шунингдек, 21 нафар талабгордан 18 нафари прокурор-тергов соҳаси ходимлари эканлиги прокуратура органлари илмий салоҳиятини оширишга хизмат қилиши баробарида мазкур йўналишдаги фаолиятнинг самарадорлигидан далолат беради – бугунги кунда Академияда юридик фаннинг барча ихтисосликлари бўйича илмий-тадқиқот фаолиятини амалга ошириш имконияти мавжуд.

Қабул жараёни Бош прокуратура Академияси, Инсон ҳуқуқлари бўйича Ўзбекистон Республикаси Миллий маркази, Юристлар малакасини ошириш маркази, Миллий гвардия Ҳарбий-техник институтининг етакчи ҳуқуқшунос олимлари иштирокида ўтказилди.

Саралаш ҳудудлардаги талабгорлар учун онлайн ва пойтахтдагилар учун офлайн режимда ўтказилди.

Қабул икки босқичдан иборат бўлиб, унда талабгорларнинг илмий тадқиқот олиб бориш кўникмалари аниқланди ва танланган мавзуларининг долзарблиги баҳоланди.

Мустақил изланувчиликка қабул қилиш юзасидан навбатдаги танлов якуни бўйича тегишли қарор қабул қилинди.