Россия Федерацияси Тергов қўмитасининг Москва академияси раҳбарияти билан учрашув

Ўзбекистон Республикаси Бош прокуратураси Академияси раҳбарияти ва Россия Федерацияси Тергов қўмитаси Москва академиясининг ректори в.б. Д.Н.Кожухарик ўртасида учрашув ташкил этилди.

Учрашув давомида томонлар махсус ўқув дастурларини тайёрлаш, илмий-таҳлилий ахборот алмашинуви, ваколатли органлар ходимларини ҳамкорликда тайёрлаш ва қайта тайёрлаш орқали терговчиларнинг кибержиноятчилик ва бошқа турдаги трансмиллий уюшган жиноятчиликка қарши курашиш борасида малакасини ошириш бўйича ҳамкорликни амалга ошириш имкониятларини муҳокама қилдилар.

Шу билан бирга, жиноятчиликка қарши курашишнинг сифатини ошириш мақсадида тергов органлари ходимларининг фаолияти самарадорлигини баҳолашнинг махсус методикаларини ишлаб чиқиш ва терговчиларнинг фаолиятини рақамлаштириш бўйича долзарб тенденцияларни ўрганиш соҳасида ҳамкорликни амалга ошириш истиқболлари ўрганиб чиқилди.

Учрашув якунида томонлар ўзаро манфаатли соҳаларда ҳамкорликни мустаҳкамлашга келишиб олдилар.