Суриштирувчилар малакасини ошириш курси ташкил этилди

Бош прокуратура Академияси томонидан 2020 йил 10 февраль куни Иқтисодий жиноятларга қарши курашиш департаменти ва Мажбурий ижро бюросининг туман (шаҳар) бўлимлари суриштирувчилари учун “Терговга қадар текширув ва суриштирув жараёнида фуқаролар ва тадбиркорларнинг ҳуқуқлари ва қонуний манфаатларини ҳимоя қилиш масалалари” мавзусида малака ошириш курси ташкил этилди.

Курс дастури тингловчиларнинг мазкур категорияси эҳтиёжларини ўрганиш ҳамда улар фаолият юритаётган соҳада мавжуд тизимли муаммолар таҳлили асосида ишлаб чиқилган бўлиб, замонавий педагогик ва ахборот-коммуникация технологияларини қўллаган тарзда назарий ва амалий ўқув машғулотлари ўтказилиши назарда тутилган.

Ўқув курсининг асосий мақсади тезкор-қидирув тадбирларини ўтказиш, уларнинг натижаларидан суриштирув ва терговга қадар текширув жараёнида фойдаланиш, маъмурий ҳуқуқбузарликлар бўйича иш юритиш, жиноий фаолиятдан олинган даромадларни легаллаштиришга ва коррупциявий жиноятларга қарши курашиш, солиқ ёки бошқа мажбурий тўловларни тўлашдан бўйин товлашнинг олдини олиш каби йўналишларда тингловчилар билим ва касбий кўникмаларини такомиллаштиришдан иборат.

Курс якунида тингловчиларга сертификатлар топширилади.