Академиянинг кутубхона фонди немис ўқув материаллари билан тўлдирилди

Бош прокуратура Академиясида Германия халқаро ҳуқуқий ҳамкорлик жамғармаси (IRZ) томонидан Академия кутубхонасига ҳадя қилинган ихтисослаштирилган ҳуқуқий адабиётлар тақдимоти бўлиб ўтди.

IRZ билан ҳамкорлик доирасида прокуратура ходимларини, шунингдек, ёш ҳуқуқшунослар, магистратура талабалари, докторантлар ва юриспруденциянинг турли йўналишлари бўйича изланувчиларни тайёрлаш учун хорижий муаллифларнинг китоблари, услубий ва ўқув қўлланмалари тақдим этилди.

Нашрларда келтирилган маълумотлар китобхонларга Германия ва бошқа давлатларнинг жиноят, жиноят-процессуал, корпоратив, молиявий, халқаро хусусий ҳуқуқ ва бошқа ҳуқуқий фанлар соҳасидаги касбий билим ва тажрибаларини бойитиш имконини беради.