Криминоген вазиятнинг таҳлилига бағишланган семинар бўлиб ўтди

Академияда жиноятчилик кўрсаткичларига кўра “қизил” тоифага киритилган шаҳар ва туманларда криминоген вазиятни ўрганишга бағишланган ўқув семинари бўлиб ўтди.

Тадбирда Бош прокуратура, Ички ишлар вазирлиги ва Миллий гвардия ходимлари, шунингдек, вилоят прокуратураларининг бўлим бошлиқлари ҳамда тегишли шаҳар ва туман прокурорларининг ўринбосарлари иштирок этди.

Семинар давомида “қизил” тоифадаги ҳудудлардаги криминоген вазиятни илмий ёндашувлар асосида таҳлил қилиш, ҳудуднинг ўзига хос хусусиятларидан келиб чиққан ҳолда  вазиятни барқарорлаштиришнинг методикаси хусусида иштирокчиларга маълумотлар берилди.

Тадбирда тақдимот, инфографика ва жиноятчилик ҳолатини чуқур ўрганиш натижалари бўйича ишлаб чиқилган бошқа материаллар намойиш этилди.

Академия келгусида ҳам мазкур фаолятни илмий-методик жиҳатдан таъминлашда давом этади.