Фарғона вилояти ИИБ профилактика инспекторлари учун сайёр семинарлар ўтказилди

Бош прокуратура Академияси ходимлари томонидан ИИВ, ФВВ, Миллий Гвардия ҳамда Судьялар олий мактаби билан ҳамкорликда Фарғона вилояти ИИБ профилактика инспекторларини “шаҳар инспектори” ва “қишлоқ инспектори” моделлари асосида икки босқичда базавий касбий ҳамда чуқурлаштирилган тартибда ўқитиш бўйича семинарлар ўтказилди.

Семинарларда терговга қадар текширув ҳаракатларини ўтказиш давомида вужудга келаётган муаммоларга алоҳида эътибор қаратилди. Ҳуқуқбузарликларнинг барвақт профилактикасига оид асосий масалалар ва саволларга тўхталиб ўтилди.

Шунингдек, атрофлича муҳокамалар якунида профилактика инспекторларини қизиқтирган масалаларга оид тушунтириш ва тавсиялар берилди.

Академиянинг мазкур йўналишдаги фаолияти тизимли давом эттирилади.