Ўзаро ҳамкорликни ривожлантириш истиқболлари муҳокама қилинди

Бош прокуратура Академиясида Бош прокуратура Академияси раҳбариятининг Ўзбекистон Республикаси Қуролли Кучлар Академияси бошлиғи Ш.Ҳ.Мамажонов ҳамда Академия бошлиғининг илмий ишлар ва инновациялар бўйича бошлиқ ўринбосари Р.С.Самаров билан учрашуви бўлиб ўтди.

Учрашув кадрларни тайёрлаш, қайта тайёрлаш ва малакасини ошириш соҳасида тажриба алмашиш ҳамда икки томонлама ҳамкорликни кенгайтириш масалаларини муҳокама қилиш мақсадида ташкиллаштирилди.

Иштирокчилар Академиянинг илғор таълим ва ахборот-коммуникация технологиялари, амалиётга йўналтирилган компетенциявий ёндашув, интерактив ва муаммоли методлар асосида ўқув жараёнини ташкил этиш борасидаги тажрибаси билан танишдилар.

Бўлиб ўтган учрашув замонавий стандартлар ва талабларга жавоб берадиган ходимларни тайёрлаш ва қайта тайёрлаш мақсадида муассасалар ўртасидаги ҳамкорликни янада ривожлантиришга хизмат қилади.