Марказий Осиёда HELP лойиҳаси тренингида иштирок этилди

Ўзбекистон Республикасининг Инсон Ҳуқуқлари бўйича Миллий стратегиясини амалга ошириш мақсадида Академия Европа Кенгаши ва Европа Иттифоқининг Марказий Осиё билан ҳамкорликдаги юридик касб вакиллари учун HELP (Human Rights Education for Legal Professionals) инсон ҳуқуқлари бўйича таълим лойиҳасида иштирок этмоқда.

HELP лойиҳаси Марказий Осиёда инсон ҳуқуқлари бўйича халқаро стандартларни тушуниш ва самарали жорий этиш мақсадида Европа Кенгашининг ҳуқуқий воситаларидан хабардорлик даражасини оширишга кўмаклашади. Ушбу мақсадни амалга ошириш учун лойиҳа юридик касб вакиллари (HELP) учун Европа инсон ҳуқуқлари бўйича ўқув дастурининг методологиясидан фойдаланади.

Академиянинг бир гуруҳ ходимлари Европа Кенгашининг HELP Дастури мураббийлари учун HELP курсларида машғулот ўтказиш методологиясини ўзлаштириш ва тингловчиларни мураббий (устоз, тьютор) вазифасини бажаришга тайёрлашга қаратилган тренингда иштирок этмоқда.

Курсни муваффақиятли якунлаган иштирокчилар Европа Кенгашнинг сертификатига эга бўлади ва улар HELP мураббийлари рўйхатига киритилади.