Навбатдаги илмий семинар бўлиб ўтди

Илмий-тадқиқот салоҳиятини юксалтириш, тадқиқот кўникмаларини ривожлантириш ва тадқиқот фаолиятини кенгайтириш мақсадида Академияда “Фан соати” рукнидаги юридик фан ва ҳуқуқни қўллаш амалиётининг долзарб муаммолари муҳокамасига бағишланган навбатдаги илмий семинар бўлиб ўтди.

Семинар Бош прокуратура Академияси, ИИВ Академияси, Судьялар олий мактаби, ТДЮУ ва ДБА докторант ва мустақил изланувчилари иштирокида бўлиб ўтди.

Модераторлик ва маърузачилик кўникмаларини ривожлантириш мақсадида семинарни ўтказиш жараёнига ёш олимлар – Академия докторантлари жалб этилиб, улар ўз илмий-тадқиқот мавзулари юзасидан маъруза қилдилар. Хусусан, Ш.Зокиров, М.Абудуллаева, Д.Хамзаев ва Б.Кадыровалар фуқаролар мурожаатларининг ҳал этилиши устидан назорат институтининг генезеси, қийноққа қарши курашишга оид халқаро-ҳуқуқий ҳужжатлар таҳлили, трансмиллий молиявий жиноятларга қарши курашнинг замонавий тенденциялари ҳамда халқ таълими соҳасида коррупциянинг олдини олиш масалалари юзасидан тақдимот қилдилар.

Илмий семинар юриспруденция соҳасидаги долзарб мавзуларда илмий тадқиқот ўтказиш методлари ва уларни қўллаш юзасидан ўзаро тажриба алмашиш учун қулай имконият яратиб берди.