Прокуратура органларида терговни ташкил этиш ва амалга ошириш масалалари бўйича масофавий курс бошланди

Бош прокуратура Академиясида вилоят прокуратуралари ва уларга тенглаштирилган прокуратуралар тергов тармоқлари ходимлари иштирокида “Прокуратура органларида терговни ташкил этиш ва амалга ошириш” мавзусида қисқа муддатли масофавий ўқув курси бошланди.

Курс дастури доирасида тингловчиларга прокуратура органларида дастлабки терговни ташкил этиш асослари, жиноят ишини қўзғатиш ва тергов режасини тузиш, процессуал мажбурлов ва эҳтиёт чоралари, уларни қўллаш асослари ва тартиби, қасддан одам ўлдириш жиноятини тергов қилиш усуллари, пора олиш, жиноий фаолиятдан олинган даромадларни легаллаштириш жиноятларини тергов қилиш тактикаси, криминалистик версиялар ва тергов фаолиятини режалаштириш, тинтув ва олиб қўйиш тактикаси, таниб олиш учун кўрсатиш тактикаси каби мавзуларида ўқув машғулотлари ўтказилади.

Курс тергов тармоқлари ходимларининг тергов сифатини таъминлаш бўйича касбий компетенция ва амалий кўникмаларини ривожлантиришга йўналтирилган.