Терговга қадар текширув ва дастлабки терговни ташкил этиш масалаларига бағишланган масофавий курс бошланди

Бош прокуратура Академиясида туман (шаҳар) прокуратуралари ва уларга тенглаштирилган прокуратуралар терговчилари иштирокида “Терговга қадар текширув ва дастлабки терговни ташкил этиш масалалари” мавзусида масофавий малака ошириш курси бошланди.

Масофавий малака ошириш курси дастури тингловчилар эҳтиёжлари асосида тузилган бўлиб, жиноят ёки ҳодиса ҳақидаги хабарлар юзасидан бирламчи ҳаракатлар, ҳодиса жойини кўздан кечиришга тайёргарлик кўриш ва ўтказиш тартиби, тезкор излов йиғма жилд юзасидан лозим бўлган ҳаракатлар кетма-кетлигига оид билим ва малакаларни мустаҳкамлашга қаратилган.

Назарий ва амалий машғулотлар давомида шунингдек тергов ҳаракатларини ўтказишда йўл қўйилаётган хато ва камчиликлар таҳлил қилиниб, уларни бартараф этиш усуллари бўйича аниқ таклиф ва тавсиялар ишлаб чиқилади.